Mijëra shtëpi dhe biznese kanë mbetur pa energji elektrike të martën në qytete të mëdha të Shteteve të Bashkuara të Amerikës, si pasojë e motit të keq.
Pjesë të Ohios, Pensilvanisë, Kentucky-it, Missisipit, Alabamës, Tennessee-s, Virginias Perëndimore, dhe Georgia-s u goditën nga tornado mbrëmjen e së martës.
Si pasojë e stuhive me shi të dendur dhe një tornadoje në verilindje të Oklahomas një grua 46-vjeçare ka humbur jetën, raporton “Associated Press”.
Në Virginia-n Perëndimore, rreth 140 mijë banorë mbetën pa energji elektrike.
Rrugë të shumta u bllokuan, pasi erërat e forta kanë shkaktuar shkuljen dhe rrëzimin e pemëve në rrugë dhe në disa raste edhe mbi makina.
Një numër shtëpish u dëmtuan në Ravenwood, Missouri.
Guvernatori i Virginia-s Perëndimore, Jim Justice ka shpallur gjendjen e jashtëzakonshme për disa qarqe të vendit dhe u ka bërë thirrje njerëzve që të kenë shumë kujdes.
