Youtuberi Trevor Jacob është dënuar me gjashtë muaj burg për rrëzimin e qëllimshëm të aeroplanit të tij për shikime në platformë, dhe më pas ka gënjyer për këtë para hetuesve amerikanë, shkruan BBC.
30-vjeçari postoi videon e rrëzimit të aeroplanit në dhjetor 2021, duke lënë të kuptohet se ishte një aksident. Ai u hodh nga aeroplani – duke mbajtur në dorë një goPro - dhe zbriti me parashutë në tokë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoVideoja është parë miliona herë.
Në një marrëveshje për pranimin e fajësisë, Jacob ka thënë se e filmoi videon si pjesë e një marrëveshjeje sponsorizimi.
Ish-snowboardisti olimpik u deklarua fajtor në fillim të këtij viti për akuzën e krimit të shkatërrimit dhe fshehjes me qëllimin për të penguar një hetim federal.
“Jacob me shumë mundësi e ka kryer këtë vepër për të gjeneruar mediat sociale dhe mbulim lajmesh për veten e tij dhe për të përfituar përfitime financiare. Megjithatë, kjo lloj sjelljeje ‘guximtare’ nuk mund të tolerohet”, thanë prokurorët federalë në Kaliforni.
VIDEO: