-
Nga:
Associated Press
- 4 maj 2023 20:48
- Shpërndaje në:
Forcat izraelite të sigurisë thonë se kanë vrarë dy militantë palestinezë të akuzuar se kanë qëlluar për vdekje një grua britaniko-izraelite dhe dy vajzat e saj në Bregun Perëndimor të pushtuar muajin e kaluar.
Një militant i tretë, i cili dyshohet se ka ndihmuar çiftin, u vra gjithashtu gjatë bastisjes në qytetin e Nablus. Zyrtarët palestinezë konfirmuan vdekjen e tre burrave.
Lucy Dee, 48, dhe vajzat e saj Rina, 15, dhe Maia, 20, u vranë në një sulm në Luginën e Jordanit.
Ato po udhëtonin për në një ngjarje për festën e Pashkës kur persona të armatosur hapën zjarr në makinën e tyre pranë vendbanimit Hamra, 16 kilometra në perëndim të Nablusit. Makina e tyre u përplas dhe personat e armatosur qëlluan përsëri nga një distancë e afërt.
