Pentagoni i ndau edhe 400 milionë dollarë për Ukrainën

Pentagoni i ka ndarë edhe 400 milionë dollarë për ta ndihmuar Ukrainën në luftë ndaj agresionit rus, raportoi BBC-ja të enjten.

Në njoftim u tha se në këtë pako të ndihmës, SHBA-ja përfshin raketa të sistemit mbrojtës HAWK, sisteme raketore Avenger (kundër dronëve dhe raketave të lundrimit), raketa Stinger, municion për HIMARS, 21 mijë predha artilerie, 100 automjete ushtarake, 400 granatahedhës, pajisje mbrojtëse e të tjera.