Një britanik është vrarë derisa po punonte si mjek vullnetar në Ukrainë, raportoi BBC të enjten.
Craig Mackintosh vdiq në detyrë më 24 gusht, ka thënë motra e tij.
Ajo ka mbledhur 5,000 funte për ta kthyer trupin e vëllait në Britani.
“Vëllai ynë me krenari doli vullnetar për të shkuar në Ukrainë si mjek për të ndihmuar në shpëtimin e jetëve në këtë shtet të shkatërruar nga lufta. Ky njeri është i bllokuar në një morg në Ukrainë dhe nuk ka ndihmë që ta kthejmë në shtëpi”, tha Lorna Mackintosh.
Mackintosh shtoi se për rikthimin e trupit të vëllait nevojiten 4,000 funte.
Ministria e Jashtme ka thënë se po e mbështet familjen.
“E mbështesim familjen e britanikut që ka vdekur në Ukrainë dhe jemi në kontakt me autoritetet lokale”, thanë nga ministria.
