Botë

Dy të vrarë nga të shtënat në paradën e 4 Korrikut në Çikago

Dy të vrarë nga të shtënat në paradën e 4 Korrikut në Çikago

Të paktën dy persona janë vrarë në të shtënat me armë që kanë ndodhur në një paradë të 4 korrikut në një periferi të Çikagos, ka shkruar të hënën “Sky News”.

Dëshmitarët kanë përshkruar se kanë parë trupa të përgjakur të mbuluar me batanije.

Një oficer policie i paidentifikuar ka thënë se personi që dyshohet se ka vrarë dy viktimat, është ende i lirë.

Sipas The Chicago Sun-Times, parada u ndal pas vetëm 10 minutash kur u qëlluan ata.

Kongresmeni i Illinoisit, Brad Schneider, i cili ishte në ngjarje, ka ngushëlluar familjet e viktimave nëpërmjet një postimi në Twitter.

"Ngushëllimet e mia për familjen dhe të dashurit, lutjet e mia për të lënduarit dhe komunitetin tim. Do të angazhohem për të bërë gjithçka që mundem për sigurinë e kombit tonë. Mjaft më!", ka shkruar Schneider.