Suedia ka njoftuar se do të dërgojë pajisje ushtarake dhe ndihma të tjera në Ukrainë. Duke njoftuar për vendimin, kryeministrja Magdalena Andersson, deklaroi se kjo do të jetë hera e parë që Suedia do të dërgojë armë në një vend ku ka konflikt, pas atij të 1939-tës.
Andersson deklaroi se dërgesat do të përfshijnë 5.000 lëshues antitank, 5.000 parzmore, 5.000 helmeta dhe 135.000 pako ushqimore.
“Siguria jonë garantohet më së miri duke e mbështetur Ukrainën për t’u mbrojtur kundër Rusisë”, deklaroi ajo.
Kjo vjen pasi Bashkimi Evropian njoftoi se do të blinte armë dhe do t'i dorëzonte ato në Ukrainë, hera e parë në historinë e tij që ndërmerr një hap të tillë.
Artikuj të ngjashëm