Presidentja e Komisionit Evropian, Ursula von der Leyen, ka thënë se mendon që është koha që shtetet anëtare të BE-së duhet të marrin në konsideratë vaksinimin e obligueshëm.
Ajo ka thënë se masa e tillë duhet të merret për shkak të variantit të ri Omicron, raporton BBC.
“Në njërën anë kemi virusin dhe variantet, dhe në tjetrën kemi vaksinimin dhe përforcimet dhe dua që pjesa e dytë të fitojë”, ka thënë ajo.
“Jo çdokush dhe të gjithë mund të vaksinohet”, pohoi ajo, por tha se “shumica dërrmuese mundet”.
Prandaj, shtoi von der Leyen, duhet të diskutohet se si të inkurajohen dhe të mendohet për vaksinimin e obligueshëm brenda Bashkimit Evropian.
