Zelanda e re ka raportuar për rastin e parë të vdekjes nga variantit Delta dhe 20 raste ditore të infektimeve, të gjitha këto në Auckland që është epiqendra e virusit.
Gruaja që vdiq ishte rreth moshës 90 vjeç dhe kishte edhe probleme të tjera shoqëruese, kanë bërë të ditur zyrtarë shëndetësorë.
Ky është edhe rasti i parë i vdekjes si pasojë e COVID-19 që nga mesi i muajit shkurt të këtij viti, në Zelandë të Re.
“Çdo vdekje është një rikujtim për dëmet që COVID-19 mund të shkaktojë kur hyn në komunitetin tonë”, ka thënë kryeministrja e këtij shteti, Jacinda Ardern.
Rreth 1,7 milionë banorë të Aucklandit, që është qyteti më i madh në Zelandë të Re, janë nën masa strikte të mbylljes së katërt, që nga mesi i muajit gusht.
Shkollat, kafet dhe restorantet vazhdojnë të qëndrojnë të mbyllura ndërkohë që shumicës së qytetarëve të këtij vendi u është kërkuar që të mos dalin nga shtëpitë.
Zelanda e Re ka raportuar për 3,392 raste me COVID-19 dhe 27 të vekur si pasojë e tij që kur ka nisur pandemia.
