Policia në Rusi ka bastisur shtëpinë e kryeredaktorit të një medie hulumtuese, i cili kohë më parë ishte cilësuar si një “agjent i huaj”. Veprimi përbën përpjekjen më të fundit të autoriteteve ruse për të ushtruar presion mbi mediat e pavarura, para zgjedhjeve parlamentare të shtatorit.
Kryeredaktori i ueb-faqes së lajmeve “Insider”, Roman Dobrokhotov, ka shkruar të mërkurën në Twitter se “policia po troket” në dyert e banesës së tij. Bashkëshortja e tij më vonë ka njoftuar grupin për ndihmë ligjore OVD-Info, porse më pas lidhja e saj telefonike është shkëputur. Grupi ka njoftuar se policia ka konfiskuar telefona celularë, laptopë dhe tabletë gjatë bastisjes, teksa ka marrë edhe pasaportën ndërkombëtare të Dobrokhotovit. Një gazetar i “Insider” ka bërë të ditur se Dobrokhotovi do të duhej që gjatë së mërkurës të largohej nga Rusia.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo