1 perditesime
21:16

Navalny shtrihet në spital

Alexei Navalny është zhvendosur në një institucion mjekësor për t'u trajtuar për një sëmundje të mundshme të frymëmarrjes dhe është testuar për COVID-19, ka raportuar një gazetë ruse.

Kritiku i Kremlinit ka thënë më parë se ai kishte temperaturë të lartë dhe kollë të keqe, ndërsa sipas tij, tre nga 15 të burgosurit në repartin e tij të burgut rus po trajtoheshin në spital për tuberkuloz.

Gazeta Izvestia përmes një deklarate nga shërbimi shtetëror i burgjeve ka thënë se Navalny u zhvendos në spital pasi një kontroll zbuloi se ai kishte "shenja të një sëmundjeje të frymëmarrjes, përfshirë ethe të lartë".

44-vjeçari ishte arrestuar në janar pasi u kthye nga Gjermania, ku kaloi pesë muaj duke u rikuperuar nga një helmim me agjent nervor, për të cilin fajësoi Kremlinin. Rusia e ka mohuar akuzën. Ai është i dënuar me dy vjetë e gjysmë heqje lirie.

20:16

Përkeqësohet gjendja shëndetësore e Navalnyt

Kritiku i burgosur i Kremlinit, Alexei Navalny, ka thënë të hënën se pati temperaturë prej 38.1 gradë Celsius dhe një kollë të keqe, duke i vazhduar përkeqësimi i gjendjes shëndetësore prej që ka hyrë në grevë urie, transmetojnë mediat ndërkombëtare.

Navalny ka shtuar se tre nga 15 të burgosurit në njësin e tij të burgut ishin shtruar në spital pasi dyshohet se kanë tuberkulozë.

Navalny, një nga kritikët më të mëdhenj të presidentit rus Vladimir Putin, është ankuar veçmas për dhimbje akute të shpinës dhe këmbës. Ai ka akuzuar autoritetet se nuk e kanë lejuar të mjekohet dhe nuk i kanë dhënë ilaçet e duhura.