Zelanda e Re është dridhur nga një tërmet i fuqishëm 7.3 ballë Rihter, duke ndezur alarmet për një cunami të mundshëm, kanë njoftuar mediumet zelandeze.
Zelandezëve që janë në brigjet e Ishullit Verior iu është thënë të largohen në vende më të larta, nëse kanë ndjerë një dridhje të gjatë e të fuqishme.
Valët e cunamit janë të mundshme në një rreze deri 290 kilometra nga epiqendra e tërmetit, a njoftuar Qendra për Paralajmërime të Cunamive në Paqësor.
Tërmeti raportohet të ketë ndodhur rreth 177 kilometra nga qyteti Gisborne.
