Botë

Kujtim Fejzulai, autori i sulmit në Vjenë kishte planifikuar t’i sulmonte edhe kishat

Kujtim Fejzulai, i cili kreu në fillim të këtij muaji një sulm në Vjenë e la disa të vdekur e të plagosur, kishte planifikuar të kryente sulm terrorist edhe në kisha.

Siç raporton Aljazeera, ministri i brendshëm austriak Karl Nehammer, tha sot përmes një konference shtypi se Fejzulai synonte të kishte viktima edhe nëpër kisha, pak para se policia ta vriste atë, transmeton KOHA.

Drejtori i Përgjithshëm i Sigurisë Publike, Franz Roff, ka njoftuar se tashmë është shtuar siguria në qytet, veçanërisht në kohën para Krishtlindjeve e festave të fund vitit.

"E ardhmja është përpara nesh, dhe koha pas kësaj është e rëndësishme," tha ai.