19 të vdekur nga tërmeti në Turqi, qindra të lënduar

Nga tërmeti i fuqishëm që është goditur Greqia dhe Turqia, kjo e fundit raportohet se ka regjistruar edhe shtatë viktima të tjera, duke u bërë gjithsej 19 të vdekur. Tërmeti që ndodhi gjatë së premtes ka lënë të vdekur edhe dy grekë dhe dhjetëra dëme të mëdha materiale.

Operacionet e kërkimit dhe shpëtimit në 17 ndërtesa të shembura, ose të dëmtuara janë duke vazhduar në qytetin e  Izmirit.

Qytetarët nga vendngjarja kanë publikuar pamje të momentit kur është ndier dridhja e madhe.

Presidenti i Turqisë, Recep Tayyip Erdogan, u ka dërguar mesazh mbështetës qytetarëve që janë prekur nga tërmeti në Izmir.

Erdogan ka deklaruar se u qëndrojnë afër qytetarëve të prekur me të gjitha mjetet e shtetit, duke thënë se janë mobilizuar të gjitha institucionet përkatëse.

"Ne qëndrojmë pranë qytetarëve tanë që u prekën nga tërmeti me të gjitha mjetet e shtetit tonë. U mobilizuam me të gjitha institucionet tona përkatëse dhe ministrat tanë për të filluar punën e nevojshme në rajon", ka thënë Erdogan.

"U uroj të shkuara të gjithë qytetarëve tanë që u prekën nga tërmeti në Izmir", ka shkuar tutje presidenti turk në Twitter.

Numri i të vdekurve në Turqi raportohet se ka shkuar në 12 persona.

Këto deklarata i kanë bërë zyrtarët që merren me menaxhimin e fatkeqësive dhe emergjencave, duke shtuar se numri i të plagosurve ka shkuar në 419.

Operacionet e kërkimit dhe shpëtimit janë duke vazhduar në 17 ndërtesat që janë shembur ose dëmtuar, ndërsa Reuters shkruan se dridhjet e fuqishme kanë prekur edhe Greqinë. Deri më tash, në Greqi janë raportuar për dy të vdekur.

Të paktën gjashtë persona kanë vdekur dhe 202 të tjerë raportohen të plagosur, nga tërmeti i fuqishëm që ka goditur Turqinë gjatë së premtes.

Kryetari i Izmirit, Tunc Soyer, ka deklaruar se 20 ndërtesa janë rrëzuar në një provincë, ndërsa thuhet se 70 persona janë shpëtuar nga rrënojat.

"Për fat të keq, katër nga shtetasit tanë humbën jetën gjatë tërmetit", ka shkruar më herët në rrjetin social Tëitter, ministri i Shëndetësisë së Turqisë, Fahrettin Koca.

Në anën tjetër, as Greqia nuk i ka shpëtuar këtij tërmeti. Deri më tani raportohen për të paktën dy persona qe kanë vdekur.

Si pasojë e tërmetit të fuqishëm në Greqi, dy të rinj janë gjetur të vdekur në një zonë të shembur.

Reuters shkruan se të vdekurit janë një vajzë dhe një djalë, të cilët ishin gjetur pa ndjenja në një zonë të Vathy ku ishte shembur.

Tërmeti ka goditur edhe Turqinë dhe deri më tash atje janë raportuar katër të vdekur. Raportohet edhe për një numër të madh të të lënduarve.

Katër persona kanë vdekur dhe 120 të tjerë kanë marrë lëndime si pasojë e tërmetit të fuqishëm që goditi Turqinë, ka njoftuar ministri turk i Shëndetësisë, Fahrettin Koca.

Ai në Twitter ka shkruar se 38 ambulanca emergjence, dy helikopterë dhe 35 ekipe mjekësore po punojnë për të shpëtuar jetë në Izmir.

Tërmeti ka shkatërruar edhe dhjetëra ndërtesa, shkruan AP.

Epiqendër e tërmetit 7 shkallësh ishte bregu i qytetit të Izmirit, ndërsa dridhjet u ndien edhe në Athinë e Stamboll.

Një tërmet I fuqishëm ka goditur Turqinë dhe Greqinë të premten.

Tërmeti besohet se ka shkaktuar një mini-tsunam që përmbyti portin e Samosit.

Epiqendër e tërmetit 7 shkallësh ishte bregu i qytetit të Izmirit, ndërsa dridhjet u ndien edhe në Athinë e Stamboll, raporton BBC.

Një tërmet i fuqishëm ka goditur Turqinë dhe një pjesë të Greqisë.

Epiqendër e tërmetit 7 shkallësh ishte bregu i qytetit të Izmirit, ndërkaq dridhje të mëdha janë ndier në Athinë dhe Stamboll.

Deri më tani nuk është raportuar për të vdekur, por nga tërmeti janë shembur disa ndërtesa në qytetin e Izmirit.

Njerëzit kanë filluar të kërkojnë të afërmit e tyre në rrënojat e ndërtesave.

Ky tërmet i fuqishëm është ndier në ishullin e Kretës në Greqi.

© KOHA.