Qyteti i Louisvillet është pajtuar t’i paguajë 12 milionë dollarë familjes së Breonna Taylorit, afro-amerikanes që u vra në shtëpinë e saj nga policia, raporton BBC.
Taylor ishte 26-vjeçare kur u qëllua së paku pesë herë më 13 mars, gjatë një bastisje të gabuar për drogë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoEmri i saj është paraqitur në protestat kundër racizmit në muajt e fundit.
Lonita Baker, një avokate e familjes së Taylorit, e ka quajtur këtë marrëveshje vetëm një faqe në tentimin për të kërkuar drejtësi, dhe ka përgëzuar reformat e reja në polici.
“Drejtësia për Breonnan është disa shtresore”, ka thënë Baker në konferencë për media përkrah kryebashkiakut të Louisvilles, Greg Fischer.
Ajo e ka quajtur marrëveshjen të jashtëzakonshme, por vetëm një pjesë e asaj për të cilën ka shpresuar familja, përfshirë edhe arrestimin e policëve që u përfshinë në vrasjen e Breonnas.
Në marrëveshje përfshihen një sërë reformash policore në qytet, përfshirë edhe një kërkesë që gjithë lejet për bastisje të aprovohen nga një zyrtar i lartë policor.
Nëna e Breonnas, Tamika Palmer, ka bërë thirrje për padi penale ndaj policëve që ia vranë vajzën.