Dy policë janë qëlluar me armë në protestën masive në qytetin Louisville mbrëmë pasi gjykata ka vendosur që policët nuk do të përballen me akuzë për vrasjen të afro-amerikanes së paarmatosur Breonna Taylor, shkruan BBC.
Taylor 26-vjeçare, një punonjëse në spital, ishte qëlluar disa herë nga tre policë që kishin bastisur shtëpinë e saj më 13 mars.
Zyrtari policor, Brett Hankison, është ngarkuar me tre akuza për “rrezikim të paarsyeshëm” gjatë të shtënave.
Dy policët tjerë nuk janë përballur me akuza.
Shefi i Policisë së Louisvillet, Robert Schroeder, ka thënë se policët që janë qëlluar me armë në protestën e të mërkurës nuk janë në rrezik për jetë. Ai ka thënë se një person është arrestuar për këtë ngjarje.
Edhe
Katër policë amerikanë akuzohen për vrasjen e Breonna Taylorit
Është shpallur gjendja emergjente në Louisville dhe Garda Kombëtare është vendosur.
Kryebashkiaku Greg Fischer ka caktuar orë policore nga ora 21:00 deri në ora 06:30 në qytet për tri ditë. Përkundër orës policore, turmat e njerëzve prapë janë mbledhur pas orës 21:00. Guvernatori i Kentuckyt, Andy Beshear, i ka bërë thirrje protestuesëve që të shkojnë në shtëpi.
