Bota ka regjistruar më shumë se një milion raste me koronavirus në pesë ditët e fundit, duke e çuar totalin e infektimeve në më shumë se 15 milionë, gjersa rastet ditore po rriten vazhdimisht.
Javën që shkoi janë raportuar afro 227,000 raste ditore në botë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPasi që u deshën më shumë se tre muaj për të arritur në 1 milion raste në botë, rritja e shkallës së infektimeve ka bërë që tash brenda tri javëve, nga 10 milionë të arrihet në 15 milionë raste të konfirmuara, shkruan The Independent.
Numri i rasteve ditore u zvogëlua në muajin prill ngase kufizimet që u vendosen nëpër shumë shtete e ngadalësuan përhapjen.
Kina, Italia, Koreja Jugore dhe Spanja kanë përjetuar rënie të rasteve, sidoqoftë infektimet janë rritur në shtetet si Brazili, India, Rusia dhe SHBA-ja.
Në disa nga shtetet më të prekura, përfshirë SHBA-në, Indinë dhe Afrikën e Jugut, numri i rasteve ditore ende është në rritje e sipër, transmeton KOHA.
SHBA-ja ende ka numrin më të madh të infektimeve dhe përbën çerekun nga 15 milionë raste të infektimeve.
Vetëm India, Afrika e Jugut dhe SHBA-ja përbëjnë më shumë se gjysmën e rasteve ditore me koronavirus.
Disa studime kanë sugjeruar se pandemia është edhe më e shtrirë se sa që tregojnë numrat zyrtarë.
Hulumtuesit në Spanjë dhe SHBA kanë gjetur se rastet e konfirmuara janë vetëm një pjesë e vogël e numrit të vërtetë të infektimeve për shkak rasteve asimptomatike dhe mungesës së testimeve.
Nëse është kështu edhe për tërë botën, atëherë përafërsisht thuhet se tashmë numri i infektimeve mund të ketë kaluar 150 milionë.