Një raketë ruse e cila ra në një stacion treni në Ukrainë ka vrarë 22 persona, në ditën kur fillimi i pushtimit rus shënoi 6 muaj.
Thuhet se pesë nga viktimat e sulmit në lindje të qytetit Chaplyne janë djegur për vdekje në një veturë. Një djalë 11-vjeçar është vrarë gjithashtu.
Presidenti Volodymyr Zelensky tha se bombardimi ka ndodhur derisa ishte duke u mbajtur një mbledhje e Këshillit të Sigurimit. Ai tha se afër 50 persona janë lënduar.
Rusia ende nuk e ka komentuar ngjarjen, shkruan BBC-ja të enjten.
Është përsëritur vazhdimisht se synim i sulmeve ruse do të jetë infrastruktura civile.
“Kjo është mënyra se si Rusia përgatitet për mbledhjen e Këshillit të Sigurimit”, ka thënë Zelensky.
Ai ka shtuar se numri i të vrarëve mund të rritet.
Edhe
Shkatërrim në Chaplyne pas bombardimeve të Rusisë
Në prill, një sulm tjetër raketor ka vrarë 50 persona.
Ukraina të mërkurën ka shënuar Ditën e Pavarësisë dhe Zelensky ka paralajmëruar se Rusia do të bëjë diçka të tmerrshme për të ndërprerë festimet.
Ai më herët e ka akuzuar Moskën se e ka kthyer në zonë lufte Zaporizhzhian.
