Me mijëra iranianë kanë thirrur “Vdekje Amerikës” afër ambasadës së vjetër të SHBA-së të hënën, që shënon edhe 40 vjetorin e pushtimit të misionit dhe një ditë pasi lideri suprem i Iranit u zotua se nuk do të heq ndalesën për bisedime me SHBA-në.
Televizioni shtetëror shfaqi turma nëpër rrugët përreth ish-ndërtesës së misionit amerikan, ndërtesë kjo që u quajt “çerdhja e spiunëve” pas revolucionit islamik të Iranit më 1979. Marshime dhe tubime u mbajtën në rreth 1,000 komunitete në mbarë vendin, ka raportuar media shtetërore, raporton Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoStudentët e rrugës së ashpër islamike mësynë ambasadën menjëherë pas rënies së shahut të mbështetur nga SHBA-ja, dhe 52 amerikanë u mbajtën peng për më 444 ditë. Që nga ajo kohë, dy vendet kanë qenë armiq, transmeton Koha.net.
Lideri suprem Ayatollah Ali Khamenei të dielën ripërtëriu ndalesën për bisedime me Shtetet e Bashkuara, duke i përshkruar dy vendet si armiq të paepur.
“Ata që besojnë se negociatat me armikun do të zgjidhin problemet tona, janë 100% gabim”, tha ai.
Në ndërkohë, parlamenti iranian i dha mbështetje fillestare një mase që kërkon që librat shkollorë të mbulojnë “krimet amerikane”. Ligjvënësit thirrën po ashtu “Vdekje Amerikës”.