Policia në Angli dhe Uells, ka marrë kompetenca të reja ndalimi dhe kërkimi, për ta trajtuar krimin në rritje të sulmeve me thika.
Sekretari i Brendshëm, Sajid Javid, po e bën më të lehtë për zyrtarët që të kërkojnë njerëz pa dyshim të arsyeshëm, në vendet ku mund të ketë dhunë serioze, transmeton KTV.
Vendimi u mor pasi sulmet fatale me thika u rritën në pikën më të lartë vitin e kaluar, qëkur filloi regjistrimi i rasteve të tilla.
Kompetencat e reja të ndalimit dhe kërkimit kanë qenë të diskutueshme për shumë vjet, me dëshmi se ato shpesh keqpërdoren dhe se te minoritetet me prejardhje afrikane, zbatohen në mënyrë joproporcionale.
