Pas rritjes së sulmeve me thika, reagon sekretari i Brendshëm i Britanisë

Arlind Sermaxhaj 04 March 2019 20:15

Sekretari i Brendshëm britanik e ka dënuar dhunën që ka shënuar rritje në mesin e adoleshentëve. Të rinjtë britanikë, sipas një raporti të fundit, u prijnë sulmeve me thika.

Sajid Javid ka reaguar pasi dy adoleshentë të moshës 17-vjeçare u vranë në Londër dhe Manchester, gjatë fundjavës, transmeton KTV.

Sekretari i Brendshëm planifikon që të mërkurën të takojë shefat e policisë, për të marrë masa në parandalimin e dhunës. Statistikat tregojnë se janë rritur për 93% sulmet dhe therjet me thika në mesin e 16-vjeçarëve në Angli, mes viteve 2016-2018.

“Do të reagojmë në të gjitha nivelet për të ndalur dhunën. Të rinjtë po vriten në të gjithë vendin, dhe këtë nuk do ta lejojmë”, ka thënë mes tjerash Javid.

© KOHA

Komentet

Shto koment

Të ngjashme