Vazhdon protesta në Paris kundër rritjes së çmimit të karburantit Foto: Reuters

Vazhdon protesta në Paris kundër rritjes së çmimit të karburantit

01 December 2018 15:53

Policia franceze përdori gaz lotsjellës, dhe pompat e ujit për të shpërndarë protestuesit e mbledhur përpara Arkut të Triumfit në Paris të shtunën.

Protestuesit u përgjigjën duke hedhur gurë tek oficerët e policisë të cilët u tërhoqën.

Disa qindra protestues u ulën për të kënduar himnin kombëtar të Francës dhe bënë thirrje për dorëheqjen e presidentit Macron.

Policia tha se arrestoi 24 persona mes shqetësimeve se grupe të dhunshme të ekstremit të djathtë dhe të majtë po infiltronin në lëvizjen e koduar “xhaketa e verdhë”.

Protestat filluan më 17 nëntor për shkak të pakënaqësive në rritje për rritjen e taksave të karburantit dhe koston e lartë të jetesës, si dhe udhëheqjen e presidentit francez Emmanuel Macron.

Macroni ka mbrojtur vendimin për rritjen e taksës së karburantit si të nevojshëm për të zvogëluar varësinë e Francës nga lëndët djegëse fosile dhe premtoi të krijojë plane të reja për ta bërë më të lehtë tranzicionin e çmimit të energjisë.

© KOHA. Të gjitha të drejtat janë të rezervuara.

Komentet

Shto koment

Të ngjashme