Një 12-vjeçar u arrestua të martën pasi qëlloi dhe plagosi shokun e klasës, 13 vjeç, në një shkollë në Oakland, Kalifornia.
Policia arriti që menjëherë ta arrestonte djalin kurse viktima e tij u dërgua në spital dhe u tha se ishte në gjendje stabile, shkroi The Guardian.
Pas lajmeve për të shtëna në shkollë, prindërit rrethuan shkollën në ankth duke pritur informacione për fëmijët e tyre.
Kryetarja e Oaklandit, Libby Schaaf, u shpreh e tronditur për dhunën e vazhdueshme me armë në SHBA.
“Shkolla duhet të jetë vendi i sigurt për fëmijët tanë. Niveli i ngritur i dhunës me armë në vendin tonë është i papranueshëm”, tha ajo.
Edhe
Tre fëmijë dhe një mësues vriten në një shkollë fillore në SHBA
Autoritetet nuk kanë treguar nëse gjuajta me armë ishte e qëllimshme apo aksidentale.
Sipas grupit për kontrollin e armëve “Everytown”, armët e zjarrit janë shkaku kryesor i vdekjeve të fëmijëve dhe adoleshentëve në Amerikë.
