Pas disfatave që i pësoi nga Golden Eagle Ylli në xhiron e 10-të dhe nga Bora në xhiron e kaluar, Vëllaznimi është kthyer te fitorja.
Të mërkurën mbrëma në palestrën “Shani Nushi” në Gjakovë, “kuqezinjtë” fituan me shumë mund ndaj Rahovecit 029, në ndeshjen e xhiros së 12-të.
Ndeshja u mbyll me rezultatin 77:71, ndërsa për rahovecasit ishte disfata e parë pas fitores së madhe ndaj GO+ Pejës në xhiron e kaluar.
Dallimi në rezultat u bë në pjesën e parë, kur vendësit krijuan epërsi prej 20 pikëve. Pjesa e parë u mbyll 46:26.
Më pas, Rahoveci 029 u mundua të kthehej në lojë. Në çerekun e fundit fitoi 23:12, por kjo nuk mjaftoi për ta shmangur humbjen në këtë ballafaqim.
Edhe
Vëllaznimi fiton por bie nga Superliga
Në fitoren me gjashtë pikë dallim, te Vëllaznimi statistikat më të mira i pati sërish Jericole Hellems. Ai shënoi 18 pikë, gjashtë kërcime e tri asistime.
Me 21 pikë, tetë kërcime e katër asistime, ndeshjen e mbylli Taryn Todd. Ziggy Reid i shënoi 17 pikë, kurse Samir Zekiqi i pati dhjetë në total.
Te mysafirët u dallua Julian Roche me 16 pikë, 13 kërcime e dy asistime.
Pas 12 ndeshjeve, Vëllaznimi del nga pozita e fundit me katër fitore e tetë disfata. Golden Eagle Ylli me një ndeshje më pak të luajtur bie në vendin e fundit me tri fitore e tetë humbje.
Edhe
Rahoveci 029 fiton dramën në Suharekë, dërgon Vëllaznimin në Ligën e Parë
Rahoveci 029 e pësoi disfatën e shtatë. Rahovecasit i kanë edhe pesë fitore.
Të enjten luhen ndeshjet Bashkimi – Golden Eagle Ylli dhe Trepça – Bora. Të dyja ndeshjet nisin në orën 18:45.
