Sigal Prishtina ka fituar pa telashe ndaj Vëllaznimit në ndeshjen e parë të çerekfinales së plejofit të Superligës së Kosovës në basketboll.
Sigal Prishtina të dielën në mbrëmje fitoi me rezultatin 72:64 në ndeshjen që u zhvillua në “Pallatin e Sportit” në Prishtinë.
Sigal Prishtina në pushim shkoi me 4 pikë dallim, 44:40.
Deri në fund e administroi mirë lojën dhe nuk lejoi befasi.
Henrik Shirko ishte më i dalluari te Sigal Prishtina me 18 pikë, tri kërcime e tri asistime.
Jalen Ray te Vëllaznimi pati 16 pikë, pesë kërcime e tri asistime.
Dueli kthyes luhet të martën në Gjakovë.
Skuadra që fiton dy ndeshje avancon në gjysmëfinale.
Në gjysmëfinale të plejofit i pret Trepça, që e përfundoi stinorin e rregullt si lidere.
