Sigal Prishtina ka vazhduar me përforcime për edicionin 2025/26 në Superligën e Kosovës në basketboll.
Sigal Prishtina të martën ka njoftuar për transferimin e Kelby Kramerit.
Amerikani është i gjatë 208 centimetra. Luan në pozitën e qendrës.
26-vjeçari së fundi ishte pjesë e skuadrës Atletico Penarol në Argjentinë.
Karrierë ka bërë edhe në Meksikë, Sllovaki, SHBA e Rumani.
Prishtina të hënën e prezantoi edhe Lamb Autreyn.
Përpos Kramerit dhe Autreyt, Sigal Prishtina, është forcuar edhe me Don Polloshkën, Valmir Kakrukin, Dion Haxhosajn e Arian Azemin.
