Plot 122 pikë i ka pësuar Peja në ndeshjen e radhës në ligën ndërkombëtare ENBL.
Skuadra pejane e basketbollit të martën mbrëma pësoi 122:80 nga Iraklisi.
Ndeshja me efikasitet shumë të lartë është dominuar nga skuadra greke, kurse dallimi në fund ishte plot 42 pikë.
Peja e ka pësuar humbjen e pestë në “European North Basketball League”, ndërsa e ka vetëm një fitore. Ndeshjen e kaluar e humbi me rezultatin zyrtar, pasi nuk udhëtoi me synim që të fokusohet në sfidat kampionale.
“Të hendikepuar nga mungesat e shumta dhe ‘rosteri’ i shkurtër, nuk arritëm të luftonim më shumë sonte”, ka shkruar Peja.
Edhe
Peja mposhtet në Kroaci
Tyron Flatten ishte më efikasi te Peja me 23 pikë. 14 pikë i realizoi Cesare Edwards.
Iraklisi është prej skuadrave më të mira në ENBL. E shënoi fitoren e gjashtë, ndërsa e ka vetëm një humbje.
