Edon Maxhuni ka dhënë kontribut në fitoren e vështirë të Finlandës ndaj Suedisë.
Të mërkurën mbrëma, në ditën e parë të Eurobasketit, Finlanda fitoi 93:90 ndaj Suedisë. Ndeshja u vendos vetëm në aksionet e fundit.
Nëntë sekonda para fundit, Edon Maxhuni realizoi dy gjuajtje të lira për 93:90. Suedia dështoi më pas në tentim për tri pikë dhe fitorja i takoi Finlandës.
Fundori Maxhuni startoi te Finlanda dhe po ashtu i shënoi dy pikët e para. Ndeshjen e mbylli me 15 pikë, një kërcim e dy asistime. Nuk e huqi asnjë prej shtatë gjuajtjeve që i kishte.
Ndeshja i takoi Grupit B.