Golden Eagle Ylli është përforcuar me basketbollistin amerikan që përfaqëson Kosovën, Scott Bamforth.
Basketbollisti i natyralizuar i Kosovës është zyrtarizuar nga klubi suharekas të enjten në mbrëmje.
“Ai pritet t’i bashkohet ekipit në javët në vazhdim”, ka shkruar Golden Eagle Ylli të enjten.
Bamforth së fundmi ka luajtur në Fuerza Regia Monterrey në ligën meksikane.
Ai karrierë ka bërë edhe në Spanjë, Francë, Itali, Libi, Mal të Zi dhe SHBA.