Tesla po tërheq pothuajse të gjitha automjetet që ka shitur në SHBA për shkak se disa shenja ndriçuese paralajmëruese në panelin e automjetit janë shumë të vogla.
Tërheqja e afro 2.2 milionë automjeteve të premten e lajmëruar nga Administrata Kombëtare e Sigurisë së Trafikut në Autostrada është një shenjë e një kontrolli të shtuar të prodhuesit të automjeteve elektrike.
Dokumentet thonë se përmirësimi i dritës paralajmëruese do të bëhet me një përditësim të softuerit në internet. Ai mbulon Modelin S 2012 deri në 2023, Model X 2016 deri 2023, Model 3 2017 deri 2023, Model Y 2019 deri 2024 dhe Cybertruck 2024, raportoi AP.
Agjencia ka thënë se dritat paralajmëruese të frenave e parkimit janë më të vogla se që kërkohen me standarde. Ato mund ta bëjnë të vështirë leximin e informacionit të sigurisë, duke rritur rrezikun e aksidentit.
