Indonezia ka marrë propozim nga kompania për prodhimin e veturave elektrike, Tesla, për të investuar në prodhimin e këtyre veturave. Këtë e ka bërë me dije nënkryetari i drejtorisë për Investiem dhe Koordinim të Minierave, Septian Hario Seto.
Indonezia është prodhuesi më i madh në botë i nikelit, një material kyç për bateritë EV dhe ka Tesla ka propozuar që të investojë për të ndihmuar zhvillimin e planeve të saj ambicioze të industrisë EV dhe baterive.
“Unë pranova propozimin e tyre. Javën e ardhshme do t’i takojmë për të marrë një shpejgim zyrtar”, ka thënë Septian, njofton Reuters.
Septian nuk ka dhënë detaje të hollësishme mirëpo ka thënë se fokusi i diskutimeve të tyre ishin bateritë dhe zgjidhjet për ruajtjen e energjisë.
“Nëse ata duan ta blejnë vetëm lëndën e parë, ne nuk jemi të interesuar. Ky propozimi është përtej marrjes së lëndës së parë”, ka shtuar ai.
-
Tesla me marrëveshje prej 5 miliardë dollarësh për produkte nikeli nga Indonezia
-
Toyota planifikon investim afro 1.8 miliardë euro në Indonezi
-
Shpërthim në një fabrikë të nikelit në Indonezi, të paktën 13 të vdekur
-
Tesla synon investim masiv në Indi
-
Tesla në bisedime për ndërtimin e fabrikës me vlerë miliardëshe në Spanjë