Tesla Inc. ka anuluar tri konkurse online për punësime në Kinë, të planifikuara për këtë muaj dhe ky është zhvillimi i fundit pasi pronari Elon Musk kërcënoi me pushime nga puna në prodhuesin e veturave elektrike, duke thënë se “ka shumë të punësuar në disa zona”.
Musk nuk komentoi në mënyrë specifike punësimet në Kinë, vend që prodhoi më shumë se gjysmën e veturave për këtë brend në nivel global dhe kontribuoi me një të katërtën e të ardhurave të saj më 2021.
Kompania anuloi tri organizime për pozitat në sektorët e shitjes, kërkimit dhe zhvillimit, pa dhënë arsye.
Musk kishte një "ndjenjë të keqe" për ekonominë, tha ai në një e-mail të parë nga Reuters javën e kaluar.
Në një e-mail tjetër drejtuar punonjësve, Musk tha se Tesla do të reduktojë numrin e punonjësve me një të dhjetën, pasi ishin bërë "shumë punonjës në disa fusha".
Prodhimi në fabrikën e Teslas në Shangai u godit rëndë, pasi qendra tregtare e Kinës, u mbyll për dy muaj, duke nisur nga marsi, për shkak të COVID-19.
Prodhimi pritet të bjerë me më shumë se një të tretën këtë tremujor nga ai i mëparshmi, duke edhe tejkaluar parashikimin e errët të Muskut. /autoblog