Shefi i Teslas, Elon Musk, njoftoi se 10 për qind e stafit do ta humbë vendin e punës në kompani për shkak të recesionit të paralajmëruar në Shtetet e Bashkuara të Amerikës.
Siç shkruan Reutersi të martën, ulja e prodhimit dhe e shitjes së veturave Tesla do të ndikojë në shkurtimin e numrit të stafit nga korriku e tutje.
Musk deklaroi në Forumin Ekonomik të Katarit të organizuar nga “Bloomberg”, se shkurtimet do të ndodhin te punonjësit me pagë fikse. Sipas tij, kriza ekonomike në SHBA është shqetësuese.
“Nuk është e sigurt, por duket shumë e mundshme”, shtoi ai.
Shkurtimin e numrit të punonjësve, Musk e kishte paralajmëruar në fillim të qershorit.
