Prodhimi i Toyotas shënon rritje gjatë shtatorit

Prodhuesi i automjeteve Toyota ka thënë të hënën se prodhimi në mbarë botën është rritur 1.5% në shtator nga e njëjta periudhë e një viti më parë në 900,919 automjete, nxitur nga kërkesa më e fortë në Japoni, Shtetet e Bashkuara dhe në Evropë, raportoi Reuters.

Prodhimi vendas i prodhuesit japonez të automjeteve, i cili përbënte pak më shumë se një të tretën e automjeteve që prodhoi gjatë muajit, u rrit 12.8% nga një vit më parë, duke kompensuar një rënie prej 3.6% të prodhimit jashtë shtetit.

Prodhuesi më i madh i automjeteve në botë për nga shitjet raportoi një rritje prej 11.6% në shitjet globale në shtator në 921,308 automjete.

Shitjet dhe prodhimi i tij të dyja arritën një rekord për sa i përket këtij muaji.

Toyota ka shitur më shumë se 7.5 milionë automjete gjatë nëntë muajve të parë të vitit. Shifrat përfshijnë markën e saj luksoze Lexus.

Shitjet e brendshme u rritën me 20.5% në shtator, ndërsa ato në Shtetet e Bashkuara u rritën 14% dhe shitjet në Evropë u rritën me 18.1%.