Departamenti Amerikan i Drejtësisë ka pezulluar hetimin për Mercedesin, ka konfirmuar kompania, e cila ka pranuar një letër nga autoritetet amerikane, transmeton agjencia gjermane e lajmeve dpa.
Mercedes-Benz ishte akuzuar për emetime të tepërta nga rreth 250 mijë vetura me naftë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ne bashkëpunuam plotësisht me Departamentin e Drejtësisë të SHBA-së dhe e bëmë çështjen transparente me kosto të madhe”, ka thënë Renata Jungo Brunger, anëtare e bordit të Mercedes-Benz për integritetin, qeverisjen dhe qëndrueshmërinë.
Procesi ka vazhduar që nga viti 2016.
“Ne shqyrtuam 1.7 milionë dokumente, bëmë më shumë se 70 intervista me punonjës aktualë dhe ish-punonjës dhe i dorëzuam më shumë se 300 mijë dokumente Departamentit të Drejtësisë së SHBA-së”, ka thënë Brunger.
Në shtator të vitit 2020, prodhuesi gjerman i automjeteve shmangu një padi kolektive për veturat me naftë.