Peugeot ka prezantuar dy modelet e reja hibride ‘plug-in’ 3008 SUV dhe 508.
Megjithatë, ato do të dalin në treg tek në vjeshtën e ardhshme.
Modeli 508 dhe 508 SW ka 178 kuajfuqi PureTech me katër cilindra në motorin me benzinë, në kombinim me një motor elektrik me 108 kuajfuqi. Të dyja e çojnë fuqinë në aksin e përparmë.
Modeli 508 ka një bateri me madhësi 11.8kWh, që sipas kompanisë i mundëson ngasje tërësisht elektrike për 30 milje.
Versioni hibrid i modelit 3008 ka 296 kuajfuqi në total dhe përshpejtimin prej 0 në 100 kilometra për orë e arrin për 6.5 sekonda. Ai ka po ashtu mundësinë e kalimit prej 30 miljeve në ngasje të veçantë elektrike.
Akoma s’janë bërë të ditura çmimet.