Rritja e kërkesës për çipa do të thotë se industria e veturave mund të luftojë për të siguruar ato gjatë vitit të ardhshëm dhe deri më 2023, megjithëse mungesa duhet të jetë më pak e rëndë deri atëherë, ka thënë shefi i Daimler, Ola Kallenius.
Prodhuesit e veturave, të detyruar nga pandemia COVID-19 të mbyllin fabrikat vitin e kaluar, përballen me konkurrencë të ashpër nga industria e përhapur e elektronikës të konsumit për dërgesat e çipave, të cilat janë shtuar nga një seri ndërprerjesh të zinxhirit të furnizimit.
Veturat janë bërë gjithnjë e më të varura nga çipat - për çdo gjë, nga menaxhimi i kompjuterit i motorëve për ekonomi më të mirë të karburantit deri te veçoritë e përparuara të ndihmës së shoferit, siç është frenimi emergjent.
"Disa furnizues të çipave i janë referuar problemeve strukturore me kërkesën", u tha Ola Kallenius gazetarëve gjatë një tryeze përpara shfaqjes së veturave IAA në Mynih. "Kjo mund të ndikojë në vitin 2022 dhe [situata] mund të jetë më e qetë më 2023".
Mungesa e çipave ka goditur edhe kompanitë e mëdha si Volkswagen e Mercedes.