Markat kineze përbëjnë pothuajse një të tretën e tregut të veturave në Rusi, tregojnë të dhënat që ka siguruar Reuters.
Shitjet e reja të veturave të pasagjerëve dhe automjeteve të lehta komerciale (LVC) janë ulur pothuajse për 61 për qind nga viti në vit, pasi sanksionet perëndimore frenojnë aksesin e Rusisë në disa materiale, dhe rënia e kërkesës dhe çmimet e larta e pengojnë më tej sektorin.
Por shitjet e veturave të markës kineze, përfshirë Haval, Chery dhe Geely janë rritur, duke shkuar në 16,138 njësi në nëntor, pothuajse dyfishi i 8,235 në janar, ndërsa pjesa e tregut arriti në 31.3 për qind nga 9.6 për qind, treguan të dhënat nga agjencia analitike ruse Autostat.
Shitjet e veturave të reja të pasagjerëve dhe LCV të Rusisë ishin 46,403 në nëntor, tha të martën Shoqata e Bizneseve Evropiane (AEB), dhe shitjet duhet të arrijnë rreth 600,000 për këtë vit në përgjithësi.
"Ka pak prodhim të markave perëndimore të veturave dhe pak importe, kështu që tregu është i ndarë midis industrisë ruse dhe kineze të veturave”, ka thënë për Reuters analisti rus i veturave, Vladimir Bespalov.
Edhe
Rusët fokusohen te veturat kineze pas largimit të markave perëndimore
Makinat ruse kënaqin kërkesën me çmime më të ulëta - deri në rreth 23,961 dollarë.
Shumica e prodhuesve perëndimorë të automjeteve, të cilët kanë luftuar me prodhuesit vendas të veturave për pjesën e tregut që kur filluan të ndërtonin fabrika në Rusi në fillim të viteve 2000, pushuan së funksionuari pasi Rusia dërgoi dhjetëra mijëra trupa në Ukrainë në shkurt.
