Kompania e veturave Czinger synon të prezantojë së shpejti modelin e saj të ri dhe, para fundit të dekadës, do të prodhojë gjashtë ose shtatë modele të ndryshme.
Duke folur për revistën "Motor1" gjatë Festivalit të Shpejtësisë në Goodwood, themeluesi dhe drejtori i Czingerit, Kevin Czinger, shpjegoi frymëzimin dhe zhvillimin pas hiperveturës 21C. Një tjetër model do të debutojë së shpejti.
"Për pak javë do të prezantojmë modelin tonë të ri. Do të jetë një model me 4 ulëse me një çmim më të ulët. Do të prodhohet në një numër pak më të madh, por gjithsesi do të jetë shumë ekskluziv. Numri më i madh u referohet standardeve tona", tha Czinger, dhe termi i tij "çmime më të ulëta" ndoshta do të thotë një shumë marramendëse.
Për shembull, 21C do të shitet me një çmim prej 2 milionë dollarësh dhe do të shiten vetëm 80 njësi. Kjo tregon qartë se vetura me katër ulëse do të jetë vërtet ekskluzive.
Sa i përket modeleve të tjera të planifikuara, ato do të ndahen në segmente të ndryshme.
Edhe
Dacia prezanton Striker, modelin që ka “gjithçka në një”
Besohet se vetura me katër ulëse mund të jetë thjesht një 21C me një kabinë më të gjerë, por gjithashtu mund të jetë një sedan ose një crossover. Duke marrë parasysh gjashtë deri në shtatë modelet e paralajmëruara, oferta do të përfshijë patjetër të paktën dy crossover. Për të arritur qëllimin deri në fund të dekadës, kompania do të duhet të prezantojë një model të ri çdo një vit e gjysmë.
Modeli i radhës Czinger pritet në fund të verës.
