Makina pa shofer, shihet si mundësi e jashtëzakonshme për ta sinkronizuar dhe përmirësuar dukshëm rrjedhën e trafikut.
Të njëjtën e thonë edhe hulumtimet e reja, sipas të cilave del të ketë 35 përqind lehtësim në përmirësimin e trafikut.
Për ta testuar potencialin e teknologjisë së makinave pa shofer, hulumtuesit në Universitetin e Kembrixhit, ndërtuan një flotë me makina të vogla robotike.
Makina është lëshuar në testim përmes një rruge miniaturë, me ç’rast hulumtuesit kanë matur saktësinë e çdo pjese lëvizëse të makinave të vogla, transmeton emisioni “Sot” në KTV.
Kur makinat funksiononin në mënyrë të pavarur, ndërprerja e një automjeti të vetëm shkaktonte ngadalësim të shkurtër, nëpër korsi të ndryshme.
Edhe
Lituania teston automjetet autonome
Ndërsa, sinkronizimi ndërmjet makinave në kuadër të këtij testimi miniaturë, shpjegonte qartë përmirësimin e trafikut dhe rezultate të papritshme nga ana e hulumtuesve të cilët e shfaqën atë në Konferencën Ndërkombëtare të Robotikës.
“Makinat autonome mund të zgjidhin shumë probleme që ndërlidhen drejtpërdrejt me drejtimin e makinës dhe trafikun në përgjithësi, por natyrisht, duhet të ketë një mënyrë për të punuar së bashku në këtë drejtim”, ka thënë Michael nga Universiteti i Kembrixhit.
