Kina ka rritur eksportet e automjeteve me më shumë se 54 për qind në vitin 2022 krahasuar me një vit më parë. Kaq mjaftoi për t’u zhvendosur në vendin e dytë në botë për sa i përket eksportit të veturave.
Shoqata Kineze e Prodhuesve të Automjeteve raportoi se vendi dërgoi 3.11 milionë vetura jashtë shtetit vitin e kaluar. Kjo është dukshëm më shumë se Gjermania, më parë eksportuesi i dytë më i madh, i cili shiti vetëm 2.61 milionë automjete në tregjet ndërkombëtare vitin e kaluar, 10 për qind më shumë nga viti 2021.
Kina tani po ndjek Japoninë, e cila është në vendin e parë. Megjithëse rezultatet e vitit të plotë të Japonisë nuk janë ende të disponueshme, vendi dihet se ka dërguar më shumë se 3.2 milionë automjete jashtë shtetit gjatë 11 muajve të vitit 2022.
Megjithatë, Japonia pritet të ketë eksport më të vogël vitin e kaluar sesa në vitin 2021, kur dorëzoi 3.82 milionë automjete në tregjet e huaja. Me rritjen e shpejtë të eksporteve nga Kina dhe zvogëlimin e vëllimeve nga Japonia, Kina pritet të jetë eksportuesja më e madhe e automjeteve në botë në të ardhmen e afërt, shkruan CNN.
Parashikohet që Kina mund të eksportojë deri në 5.5 milionë automjete në vit deri në vitin 2030, nga të cilat 2.5 milionë do të jenë elektrike. Kjo do të lehtësohet nga përpjekjet e vendit për të prezantuar automjetet e tij në tregjet e Azisë Jugore, si dhe në vendet në zhvillim.
Kina po merr gjithashtu rol udhëheqës në botë në shitjen e automjeteve elektrike. BYD u bë prodhuesi më i madh i automjeteve elektrike në tremujorin e dytë të vitit 2022, duke kaluar Teslan.
Edhe
Kina e pandalshme edhe në tregun e veturave, bëhet eksportuesja e parë në botë
Tani shitet në Norvegji, Singapor, Brazil dhe Indi.
Prodhuesit kinezë kanë marrë një pjesë të konsiderueshme të tregut të tyre vendas. Në një vend që është shtëpia e rreth 200 prodhuesve të automjeteve elektrike, automjetet elektrike vendase kontrollonin gati 85 për qind të tregut në vitin 2022.
