Fordi do të paguajë 19.2 milionë dollarë për të zgjidhur akuzat se ka reklamuar në mënyrë të rreme ekonominë e karburantit në botën reale dhe kapacitetin e ngarkesës për disa hibride dhe kamionë, ka thënë të martën Zyra e Prokurorit të Përgjithshëm të Iowas, shkruan Reuters.
Bëhet fjalë për veturat hibride C-Max 2013–2014 dhe kamionçina Super Duty 2011–2014. Në vitin 2013, Ford uli vlerësimet e reklamuara të ekonomisë së karburantit në hibridin e tij C-Max deri në 11 kilometra për gallon dhe u dërgoi çeqe pronarëve prej 550 dollarësh për të kompensuar diferencën në kostot e karburantit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Për vite të tëra, Fordi reklamoi ekonominë mbresëlënëse të karburantit dhe kapacitetin e ngarkesës për veturat dhe kamionët e tij", ka thënë prokurori i Përgjithshëm i Iowas, Tom Miller. "Për fat të keq, këto shifra nuk bazoheshin në realitet, duke i lënë klientët me automjete që nuk plotësonin standardet e tyre".
Marrëveshja, me 40 shtete dhe Distriktin e Kolumbisë, e ndalon Fordin të bëjë pretendime të rreme ose mashtruese për reklamat në lidhje me ekonominë e vlerësuar të karburantit ose kapacitetin e ngarkesës së një automjeti të ri. Ford nuk e pranoi keqbërjen.
Në vitin 2021, Ford tërhoqi gati 12 mijë kamionë F-350 të vitit 2020 sepse kishin vlera të gabuara të ngarkesës.