Kompania amerikane e automjeteve Ford, ka njoftuar tërheqjen nga tregu të rreth 1.74 milionë automjeteve në Shtetet e Bashkuara për shkak të defekteve që mund të ndikojnë në funksionimin e kamerës së pasme gjatë lëvizjes në marshin mbrapa, raportoi Reuters.
Sipas autoritetit rregullator amerikan për sigurinë në rrugë (NHTSA), tërheqja përfshin dy raste të ndara që lidhen me mënyrën se si shfaqet imazhi i kamerës së pasme në ekranin e automjetit.
Rreth 850 mijë automjete të modeleve Ford Bronco dhe Ford Edge preken nga një problem në një modul kompjuterik që mund të mbinxehet dhe të fiket, duke bërë që imazhi i kamerës së pasme të mos shfaqet siç duhet kur automjeti vendoset në marshin prapa.
Ndërkohë, një tërheqje e dytë përfshin rreth 890 mijë automjete të modeleve Ford Escape, Ford Explorer, Lincoln Corsair dhe Lincoln Aviator. Në këto automjete, sipas NHTSA-së, imazhi në ekranin qendror mund të shfaqet i përmbysur, duke krijuar një pamje të pasaktë gjatë manovrimit në marshin prapa.
-
Fordi tërheq gati 1.1 milionë automjete, shkak problemi me kamerën e pasme
-
Problemi me rripin e sigurisë detyron Fordin të tërheqë rreth gjysmë milioni automjete nga tregu
-
Fordi tërheq rreth gjysmë milioni automjete në SHBA, shkak rreziku i humbjes së drejtimit
-
Fordi tërheqë mbi 115 mijë automjete në SHBA
-
Toyota tërheq mbi 43 mijë automjete nga tregu, shkak rreziku nga dështimi i motorit