Zyrtari policor në Banjskë: I bëmë të gjitha lëvizjet për ta tërhequr Afrimin

Një zyrtar policor që u përball me serbët e armatosur në Banjskë, ka deklaruar se terroristët s’kishin arritur t’i zbatojnë e t’i kontrollet planet e tyre.

Ai ka thënë të martën se policët i kanë ndërmarrë të gjitha veprimet për tërheqjen e trupit të Afrim Bunjakut.

“...Kemi arritur në mënyrën më të mirë të mundshme t’i zmbrapsim terroristët dhe të dalim. Kemi arritur t’i bëjmë të gjitha lëvizjet tona që Afrimi të mos mbetet këtu dhe ashtu ia kemi dalë. Normalisht është plagosur edhe Albani gjatë ofensivës, mirëpo ata (serbët) s’kanë arritur asnjëherë t’i zbatojnë e kontrollojnë planet e tyre”, ka deklaruar ai.

Kryeministri Albin Kurti ka thënë se terroristët kanë qenë të përgatitur për një konflikt më të gjerë e më të gjatë.

Ai ka theksuar se sulmi në Banjskë ka qenë agresion kundër sovranitetit të shtetit.