Zyrtari i lartë amerikan mbërrin në Kosovë

E zyrtar i lartë i Departamentit Amerikan të Shtetit për Çështje Evropiane dhe Euroaziatike, Brendan Hanrahan, ka mbërritur në Kosovë në vizitën e parë zyrtare, e që për fokus pritet ta ketë stabilitetin rajonal dhe sigurinë.

E ngarkuara me punë në Ambasadën e SHBA-së në Kosovë, Anu Prattipati, ka njoftuar për mbërritjen e tij. Ajo ka thënë se mezi presin një fundjavë “produktive me takime dhe vizita për të theksuar prioritetet amerikane për stabilitetin rajonal, sigurinë dhe zhvillimin ekonomik”.

Zëdhënësi i Qeverisë, Përparim Kryeziu, ka njoftuar se kryeministri në detyrë, Albin Kurti, do të takohet me zyrtarin amerikan në një darkë pune të organizuar nga e ngarkuara me punë në Ambasadën e SHBA-së në Prishtinë, Anu Prattipati.

Para mbërritjes në Prishtinë, Hanrahan vizitoi Serbinë, ku u takua me presidentin Vuçiq. Vuçiq theksoi në këtë takim e ka përsëritur qëndrimin e Serbisë për dialogun, si mënyrë të vetme për zgjidhjen e çështjeve me Kosovën dhe ka potencuar rëndësinë e respektimit të së drejtës ndërkombëtare. Gjatë ditës, Hanrahan e vizitoi edhe Bosnjë-Hercegovinën.