Oslo, 24 shkurt - Një delegacion i Agjencisë Kadastrale të Kosovës i udhëhequr nga kryeshefi ekzekutiv, Prof. Dr. Murat Meha, së bashku me një delegacion nga Agjencia Kosovare për Krahasimin dhe Verifikimin e Pronës janë duke qëndruar në një vizitë studimore profesionale në Norvegji.
Sipas njoftimit për medie, qëllimi i kësaj vizite ishte shkëmbimi i përvojave mes institucioneve të Republikës së Kosovës dhe Autoritetit Norvegjez për Kadastër dhe Hartografi “Kartverket” në fushën e skanimit, indeksimit, krahasimit dhe arkivimit të të dhënave kadastrale dhe pronësore. Ky aktivitet i paraprin kthimit tek institucionet e Kosovës të elabortatit kadastral dhe pronësor të vjedhur nga regjimi serb gjatë ikjes nga Kosova.
Delegacioni është duke qëndruar në Norvegji prej datës 21 deri më 24 shkurt, ndërsa implementimi i eksperiencave më të mira do të jenë esenciale për përdorimin e të dhënave të kthyera nga Serbia.
