Qeveria e Kosovës ka zgjeruar platformën “Superpuna” dhe bizneset e sektorit privat që përfitojnë nga kjo platformë tani e tutje mund të punësojnë edhe personat nga grupmoshat deri në 29 vjeç.
Deri më tani nëpërmjet kësaj platforme kanë mundur të punësohen vetëm personat deri në 25 vjet.
Kryeministri i vendit, Albin Kurti, në lansimin e zgjerimit të kësaj platforme, deklaroi tani për bizneset është më e lehtë angazhimi i punëtorëve pasi garantohet subvencionimi i pagës.
“Punë dhe drejtësia është togfjalëshi që është dëgjuar më së shpeshti në prezantimet tona. Kjo platformë për bizneset e bëri më të lehtë angazhimin e punëtorëve pasi garantoi subvencionim e pagës së punëtoreve. Platforma ka pasur një sukses të jashtëzakonshëm, ku u punësuan 9394 të rinj dhe të reja. Jam shumë i lumtur që disa prej përfituesve i kemi në mesin tonë për t’u dhënë edhe një lajm të mirë. Kemi vendosur që t’i zgjerojmë grupmoshat që mund të përfitojnë nga kjo platformë, tani nga 18 vjeç deri në 29 vjeç mund të përfitojnë për t’u punësuar”, u shpreh Kurti.
Ministri i Financave, Hekuran Murati, u shpreh që synimi i kësaj platforme ka qenë punësimi i 10 mijë të rinjëve.
Ai tha se 67 për qind e të rinjve që janë punësuar përmes kësaj platforme, u janë vazhduar kontratat nga punëdhënësi.
Edhe
“Superpuna për Gratë”: Për çdo grua të punësuar shteti mbulon pagën minimale për 6 muajt e parë
“Duke parë suksesin e grupmoshës së parë, kemi vendosur të zgjerohet grupmosha për ata që janë më shumë se 25 vjeç. Pra nga ata që kanë përmbushur gjashtë mujorin, janë 67 për qind e tyre që kanë përfituar punësim. Ndryshimet, do të vazhdojnë kushte dhe kriteret e tjera siç kanë qenë”, tha Murati.
Sipas të dhënave të Qeverisë deri tani nëpërmjet “Superpunës” janë punësuar mbi 9000 të rinj. /EO
