Zemaj - Kurtit: Nëse beson se e ke mposhtur pandeminë, nuk je n’tokë t’bukës

Ish-ministri i Shëndetësisë, Armend Zemaj, ka kritikuar kryeministrin Albin Kurti për mosmenaxhim të duhur të pandemisë me COVID-19.

Zemaj në Facebook ka thënë se virusi është prezent ende dhe se Kurti i ka mashtruar qytetarët duke u thënë se pandeminë e ka mundur.

“Kryeministër, krejt bota demokratike është në luftë për shëndet, ndërsa ju veç për pushtet”, ka shkruar Zemaj.

Ndërsa, ka thënë se ministri aktual i Shëndetësisë, Arben Vitia, nuk është i duhuri për t’u përballur me menaxhimin e situatës me koronavirus. Sipas Zemajt, Vitia po merret me fushatën për zgjedhjet lokale e jo me pandeminë.

“Fillimisht thatë që e mundët pandeminë, pastaj thatë se do ta mundni! Cila është e vërteta juaj kryeministër? A besoni ende që e keni mundur pandeminë? Nëse po, atëherë nuk jeni n'tokë t'bukës. Nëse kthjellesh dhe e sheh situatën reale, fillon e beson që virusi është në mesin tonë. E rrjedhimisht, a mendon ende si dikur që ministri 'mindil' është i duhuri për ta fituar këtë betejë? Nëse po, si është e mundur që i njëjti është duke u marrë me fushatë për zgjedhjet lokale dhe jo me pandeminë”, ka thënë Zemaj.