Zëdhënësi i Partisë Demokratike të Kosovës, Avni Bytyçi, ka ironizuar me bashkimin e ushtrueses së detyrës së presidentes, Vjosa Osmani, me listën e Lëvizjes Vetëvendosje për zgjedhjet e 14 shkurtit.
Tani Bytyçi ka ironizuar me këtë duke thënë se më “Lufta e Trojës nuk do të jetë referencë për taktizime, por Vjosa e Albinit”.
“Jam bindur se nëse dikush e studion rastin e kalimit të Vjosa Osmanit në Lëvizjen Vetëvendosje në mënyrë të mirëfilltë, do të zbuloj një teori të re politike për inflitrim, përçarje dhe shkatërrim të oponentëve politik. Lufta e Trojës më nuk do të jetë referencë për taktizime, por Vjosa e Albinit”, ka shkruar Bytyçi.
Ai ka komentuar edhe raportimet se VV-ja do të propozojë Murat Jasharin kandidat për president.
“Edhe nëse Vjosa Osmani është kandidatja e Lëvizjes Vetëvendosje për Presidente, çka ndodhi me Murat Jasharin? Kërkoj falje se harrova, edhe ai është i Drenicës!” ka përfunduar Bytyçi.
-
Vjosa Osmani “tërhiqet” pas reagimeve, e PDK-ja s’ka vija të kuqe
-
Osmani: Kur e kam informuar Kurtin se i kemi 82 vota, më ka thënë tash s’i ki votat e VV-së
-
Osmani: Kurti do të ketë dy zgjidhje për çështjen e presidentit
-
Kurti synon 60 për qind, Osmani i prin LDK-së
-
LDK-ja hap dyert për Osmanin dhe thërret për bashkim të së djathtës