Ministri i Ministrisë së Administratës Publike, Mahir Yagcilar priti kryetarin e Këshillit të Pavarur Mbikëqyrës të Shërbimit Civil, Shkëmb Manaj.
Në këtë takim, Yagcilar dhe Manaj biseduan rreth mundësisë së fuqizimit të Shërbimit Civil, avancimit të proceseve të legjislacionit përkatës, të akteve nënligjore për rekrutim, si dhe të aspekteve tjera të cilat ndërlidhën me reformimin e Shërbimit Civil në Kosovë.
Ministri vlerësoi lart bashkëpunimin e deritashëm ndërmjet ministrisë së Administratës Publike dhe Këshillit të Pavarur Mbikëqyrës, duke theksuar mandatin e dy institucioneve në respektimin dhe zbatimin e legjislacionit të Shërbimit Civil dhe reformimin e administratës publike në Kosovë.
Yagcilar nënvizoi rëndësinë e bashkëpunimit reciprok në proceset reformuese në tërë proceset e Shërbimit Civil të Kosovës.
Ndërsa, kryetari i Këshillit të Pavarur Mbikëqyrës, Shkëmb Manaj, pasi falënderoi ministrin për bashkëpunimin e ngushtë ndërinstitucional, theksoi se KPM-ja do të jetë përkrahëse e të gjitha proceseve reformuese në avancimin e Shërbimit Civil të Kosovës.
-
Reforma në Administratën Publike, Komisioni Evropian ofron përkrahje buxhetore
-
MAP shënoi Ditën e Shërbimit Civil
-
Banka Botërore mbështet MAP-in në reformat e administratës publike
-
Kalojnë në Kuvend tri ligje të reformës administrative, Kosova më afër BE-së
-
Ministria e Administratës Publike më efektivja sipas analizës së shoqërisë civile